Liderët e 6 vendeve të Ballkanit Perëndimor nënshkruan në samitin e Procesit të Berlinit deklaratën për një plan veprimi për tregun e përbashkët rajonal, për vitet 2025-2028, si dhe marrëveshje për përmirësimin e qasjes në arsimin e lartë.
Presidentja e Komisionit Europian, Ursula von der Leyen, i nxiti vendet e rajonit të qëndrojnë në anën e drejtë të historisë në mesin e një rritjeje të ndikimit rus duke bërë thirrje vendeve të BE të bashkëpunojnë për integrimin e Ballkanit Perëndimor sa më parë.
“Ne kemi parë përgjatë këtyre 20 viteve një periudhë mjaft të gjatë ku zgjerimi nuk ishte në krye të agjendës dhe ishte përjashtuar si mundësi. Kjo ka ama ka ndryshuar rrënjësisht vitet e fundit. Më duhet të them gjithashtu se agresioni rus në Ukrainë ka sjellë një lloj qartësie. Ju duhet të zgjidhni të jeni në anën e duhur të historisë dhe në anën e ligjit ndërkombëtar. Dhe të gjitha vendet që aplikojnë për anëtarësim në BE kanë qenë shumë të qarta për këtë, dhe kanë kaluar në anën e demokracisë dhe mbrojtjes së ligjit ndërkombëtar”, - tha Von der Leyen.
Von der Leyen e cilësoi Planin e Rritjes “si më të rëndësishmin”.
“Nëse dëshironi të përparoni, bashkëpunoni me të tjerët. Është një proces i bazuar në merita. Unë besoj se të gjitha vendet e Ballkanit Perëndimor duhet të jenë pjesë e Bashkimit Europian. Sundimi i ligjit dhe integrimi ekonomik kanë rëndësi kyçe”, - tha Von der Leyen.
Vendet anëtare të BE-së i miratuan më 11 tetor agjendat e reformave të pesë vendeve të rajonit përveç Bosnje e Hercegovinës duke i hapur kështu rrugë Komisionit Europian që t’i bëjë pagesat e para nga paketa në fjalë.
Plani i ri për tregun e përbashkët rajonal është pjesë integrale e Planit të Rritjes për Ballkanin, i cili u miratua nga BE në muajin maj dhe ka vlerën e 6 miliardë eurove, si dhe synon t’i mbështesë reformat e rajonit, që lidhen me BE-në.
Sondazh
Lexo gjithashtu
