Katër vajza adoleshente, të moshave 13, 14 dhe 16 vjeç, janë arrestuar në Haëaii pas publikimit të një videoje tronditëse që tregon një sulm brutal ndaj një vajze 21-vjeçare me aftësi të kufizuara.
Ngjarja e rëndë ka ndodhur në muajin prill, por pamjet u shpërndanë në internet në fillim të këtij muaji, duke shkaktuar reagime të forta dhe zemërim të gjerë në komunitetin e Ëahiaëa. Banorët vendas morën situatën në duart e tyre dhe ndihmuan në identifikimin dhe ndjekjen e të dyshuarave.
Zëdhënësi i komunitetit lokal, Michael Kitchens, e përshkroi sulmin si një “sjellje demoniake” dhe theksoi se komuniteti ishte thellësisht i tronditur nga ajo që u pa në video. Ai shtoi se reagimi qytetar ishte i menjëhershëm dhe i organizuar, me pjesëmarrjen e prindërve dhe nxënësve për të identifikuar autorët e ngjarjes.
Pamjet e shpërndara në rrjetet sociale tregojnë turma të mëdha qytetarësh të mbledhur jashtë shtëpive të të dyshuarave, duke kërkuar që ato të dorëzohen.
Autoritetet kanë ndërhyrë për të garantuar rendin publik dhe kanë bërë thirrje për vetëpërmbajtje, duke theksuar se drejtësia do të ndiqet përmes institucioneve përkatëse.
Sondazh
Lexo gjithashtu
