Hapësire reklamuese

Bota

VIDEO/ Sulm i përgjakshëm në Rusi, vriten 15 efektivë dhe një prift, momenti kur terroristët qëllojnë me breshëri plumbash

Shkruar nga Newsbomb
VIDEO/ Sulm i përgjakshëm në Rusi, vriten 15 efektivë dhe
pamje nga sulmi

Persona të armatosur “mësynë” dhe hapën zjarr në një sinagogë, dy kisha ortodokse dhe një stadiun policie në dy qytetet të Dagestanit. Sipas mediave vendase mësohet se si pasojë mbeti i vrarë një prift rus 66-vjeçar dhe 15 efektivë policie, ndërkohë 25 persona të tjerë mbetën të plagosur.

Sulmet ndodhën në qytetin Makhachkala, kryeqyteti i Republikës së Dagestanit dhe në qytetin bregdetar të Derbentit.

Pas sulmit të përgjakshëm, menjëherë autoritetet u ngritën në këmbë duke bërë të mundur ekzekutimin e 6 terroristëve.

Terroristët shënjestruan vendet e adhurimit, si dhe një pikë kontrolli policie në kryeqytetin e Dagestanit, Makhachkala , si dhe në qytetin e Derbentit , në jug të kryeqytetit. Përfaqësuesit e komunitetit hebre rus thanë se u sulmua edhe një sinagogë e dytë.

Sulmet në të dy qytetet ishin të koordinuara dhe ndodhën në të njëjtën kohë të dielën pasdite.

Videot e postuara në mediat sociale tregojnë njerëz të veshur me të zeza, teksa qëllojnë me breshëri ndaj automjeteve të policisë në Makhachkala.

Në Derbent, ku dikur kishte një komunitet të madh hebre, terroristët sulmuan një kishë dhe një sinagogë, të cilat më pas i dogjën. Ndërtesa e sinagogës, fatmirësisht ishte bosh në momentin e sulmit, madje ajo ka qenë në listën e monumenteve të mbrojtura nga Unesco.

VIDEO/ Sulm i përgjakshëm në Rusi, vriten 15 efektivë dhe
Trupat e efektiveve te vrare

Mediat ruse raportuan se në mesin e autorëve të sulmit ishin dy djemtë e kreut të një province të Dagestanit, i cili ndodhet në paraburgim.

Megjithatë, Dagestani, një nga rajonet më të varfra të Rusisë me një përqindje të madhe myslimanësh, ka rënë pre e sulmeve islamike edhe në të kaluarën.

Sulmet e koordinuara të personave të armatosur erdhën tre muaj pas një masakre në një sallë koncertesh në Moskë, ku humbën jetën 145 persona. Ky sulm u mor përsipëri nga grupi i Shtetit Islamik.

Sondazh

Poll

Lexo gjithashtu

Hapësire reklamuese