Vatikani ka mbyllur tashmë Kapelën Sistine, vendin ku do të zhvillohet konklava për zgjedhjen e papës së ardhshëm, pas vdekjes së Papa Françeskut më 21 prill në moshën 88-vjeçare.
Kardinalët që kanë mbërritur në Romë janë grumbulluar për të diskutuar dhe përzgjedhur liderin e ri të Kishës Katolike.
Ky është Kongregacioni i pestë i Përgjithshëm që nga vdekja e Papa Françeskut, e cila ndodhi gjatë javës së Pashkëve. Të pranishmit në këtë takim janë duke diskutuar mundësitë për kandidaturat dhe profilin e papës së ri, ndërkohë që spekulimet rreth favoritëve vazhdojnë të jenë të shumta.
Edhe pse takimet kanë filluar që para funeralit të Papa Françeskut, që u krye më 29 prill, ende nuk është caktuar një datë e saktë për fillimin e konklavës. Data më e hershme e mundshme për të nisur procesin është 7 maji, ndërkohë që gjithçka do të zhvillohet me dyer të mbyllura në Kapelën Sistine.
Për të fituar zgjedhjen, një kardinal duhet të sigurojë dy të tretat e votave të konklavës. Votimet do të mbahen çdo ditë pas fillimit të konklavës, ndërsa tymi i bardhë që ngrihet nga oxhaku i Kapelës Sistine do të shpallë papën e ri.
Ndërkohë, për ata që vizituan Kapelën Sistine në ditët e fundit, ky ishte një moment i veçantë, pasi nuk dihet ende sa do të zgjasë konklava dhe kur do të hapet përsëri për vizitorët.
Sondazh
Lexo gjithashtu
