Një fëmijë 2-vjeçar, në Kore është kthyer në çështje dite për shkak të ndarjes së tij nga jeta dhjetorin e kaluar, dhe procesit që vazhdon në gjykatë ndaj prindërve. Fëmija i vogël ndërroi jetë pasi prindërit e detyruan të hajë salce ultra djegëse “buldak” dhe të pijë sojë.
Në seancën e të enjtes në gjykatën e rrethit Daejon, në gjyqin ndaj prindërve të fëmijës së ndjerë, prokurorët ngritën akuzat ndaj prindërve që përballen me abuzimin me pasojë vdekjen, abuzim i përsëtitur dhe neglizhencë. Babai, në të 30-at, është arrestuar, ndërsa nëna, gjithashtu në të 30-at, është në paraburgim.
Prokurorët pretendojnë se prindërit ndaluan përdorimin e tubit ushqyes për fëmijën, i cili kishte lindur para kohe dhe kishte nevojë për të pas daljes nga një shtrim i gjatë në spital. Në vend të kësaj, ata e detyruan të konsumonte ushqim për foshnja.
Sipas akuzës, fëmija gjithashtu është goditur dhe rrahur shpesh, duke pësuar mavijosje të shumta dhe një frakturë në kafkë.
Më 15 dhjetor, një ditë para se foshnja të gjendej e vdekur, prindërit dyshohet se e ushqyen me salcën “buldak”, e njohur për djegësinë ekstreme. Madje, ata e detyruan të pijë soju, një pije alkoolike e fortë koreane, si një “ilaç” pasi vunë re se ajo nuk ndihej mirë.
Të nesërmen, prindërit thirrën shërbimet e urgjencës, duke raportuar se foshnja nuk po merrte frymë. Stafi mjekësor konstatoi se viktima 25-muajshe, e cila kishte ndërruar jetë, peshonte vetëm 6.9 kilogramë, duke treguar shenja të kequshqyerjes ekstreme.
“Prindërit nuk e raportuan menjëherë vdekjen nga frika se do të zbuloheshin veprimet e tyre abuzive,” thanë prokurorët. “Ata kërkuan ndihmë vetëm pasi kuptuan se nuk mund ta menaxhonin situatën vetë.”
Prindërit kanë edhe tre fëmijë të tjerë. Si masë emergjente, ata janë marrë dhe janë vendosur nën kujdesin e gjyshërve. Hetuesit nuk kanë gjetur shenja abuzimi tek fëmijët e tjerë.
Sondazh
Lexo gjithashtu
