Punimet për restaurimin e godinës historike të Katedrales Notre-Dame në Paris të Francës janë drejt fundit.
Sipas mediave vendase, gati 90 % e punimeve si brenda ashtu edhe jashtë godinës janë mbyllur, dhe nevojiten vetëm disa ndërhyrje të vogla që do t’i japin pamjen e plotë Katedrales.
Gurët dhe dyshemeja prej mermeri janë restauruar, statujat e para janë instaluar dhe eksertët e ndërtimit do të përfundojnë së shpejti edhe shtizën në majë të kupolës.
Punimi në pikturë i Virgjëreshës Mari dhe fëmijës së saj, i realizuar në shekullin XIX nga arkitektja Viollete le Duc, sapo është rikthyer në pozicionin e saj origjinal.
“Kjo kreshtë peshon 270 kilogramë, pak a shumë; ndaj kemi elementë të shumtë: pjesën finale, që është dhe pjesa më e madhe, si dhe gozhdët që janë pjesa më e vogël. Kemi ende katër operacione për të përfunduar dhe jemi në fund të procesit”,- deklaroi Sinkron William Bloy, shef i ekipit të punëtorëve.
Megjithatë, katedralja pritet të rihapet për publikun në fund të këtij viti, në datën 8 dhjetor, që do të thotë se spektatorët që do të vizitojnë qytetin për Lojërat Olimpike nuk do të mund ta shohin strukturën e mrekullueshme.
Pas zjarrit në prill të 2019-s, presidenti francez Emmanuel Macron premtoi se godina historike do të restaurohej brenda 5 vitesh.
Katedralja Notre Dame , një thesar i arkitekturës gotike franceze, është një nga simbolet më të famshme të Parisit, duke tërhequr rreth 13 milionë vizitorë dhe pelegrinë çdo vit.
Kjo kishë shumë e dashur është ndërtuar në Île de la Cité, një ishull natyror në mes të lumit Seine, dhe për më shumë se 850 vjet ka qenë në zemrën fizike dhe shpirtërore të kryeqytetit francez.
Ndërtimi filloi në 1160, nën udhëzimet e peshkopit Maurice de Sully. Një kishë romane që kishte qenë në vend u shkatërrua për t'i hapur rrugë këtij projekti gotik shumë më madhështor, më ambicioz.
Sondazh
Lexo gjithashtu
