Historia e gazetares 27-vjeçare, Viktoria Roshkina nga Ukraina, mund të konsiderohet si një skenar filmi. Ajo u kap nga rusët në Zaporzhia në verën e vitit 2023. Që prej asokohe 27-vjeçarja u përball me ferrin në tokë!
Sipas mediave të huaja mësohet se e reja u torturua dhe dhunua barbarisht nga rusët në një nga burgjet e Rusisë, ku dhe më pas ndërroi jetë.
Trupi i së resë u dorëzua më 14 shkurt dhe nuk ishte më Viktoria e dikurshme. Rusët e kishin masakruar, ia kishin hequr sytë, trurin dhe laringun. Ekzaminimet fillestare mjeko-ligjore tregojnë shenja të shumta torture në trupin e gazetares.
Mësohet se ajo kishte djegie në këmbë si pasojë e goditjeve elektrike, gërvishtje në vithe dhe kokë si dhe një brinjë të thyer. Flokët e saj, të cilat i pëlqente që të ishin të gjata dhe të lyera bionde, nuk ishin më, pasi rusët ia kishin prerë dhe e kishin rruar.
Megjithatë, më e neveritshmja është se kur trupi i saj u kthye në shkëmbimin e 14 shkurtit, i mungonin truri, sytë dhe laringu, që do të thotë se shkaku i saktë i vdekjes mund të mos dihet kurrë.
Dëshmitë për muajt e fundit të jetës së saj:
Informacioni rreth muajve të fundit të jetës së saj u mblodh falë më shumë se 50 intervistave me të mbijetuar të paraburgimit në burgjet ruse, si dhe me familjet e disa prej të burgosurve.
Një nga dëshmitaret ishte edhe shoqja e saj e burgosur, e cila u lirua shtatorin e kaluar dhe e regjistroi dëshminë e saj në video për prokurorin.
Siç dëshmoi gruaja, trupi i gazetares ukrainase ishte i mbuluar me mavijosje. "Gjatë marrjes në pyetje, i dhanë elektroshok... E goditën me thikë - i pashë: padyshim në krah, në këmbë... Plagë e freskët me thikë , në parakrah, në indin e butë midis kyçit të dorës dhe bërrylit. Një shenjë rreth 3 centimetra e gjatë, e shpuar. Në këmbën e saj, sipër thembrës, e pashë edhe atë, një plagë 5 centimetra. Më tha, "I luta të mos e preknin plagën."
Drejt fundit të vitit 2023, Roshkina u informua nga një oficer i FSB-së, të cilin ajo e quajti Maxim Moroz, se do të transferohej në një burg tjetër dhe premtoi trajtim më të mirë atje. Sipas dëshmitarëve, ajo u transportua vetëm, në një xhip, dhe u mbajt në një qendër paraburgimi të njohur si Sizo 2.
Ndërkohë, që sipas dëshmitarëve e reja kishte arritur të peshonte vetëm 30 kilogramë.
“Ajo mund të ngrihej, por vetëm me ndihmën time, pasi ishte në një gjendje të tillë sa nuk mund ta ngrinte kokën nga jastëku”, tha më tej shoqja e saj.
Dashuria dhe përkushtimi ndaj punës së saj:
E njohur nga familja e saj si Vika, Roshchina u rrit në hijen e luftës. Babai i saj ishte veteran i luftës sovjetike në Afganistan dhe ishte 17 vjeç kur Rusia aneksoi Krimenë. Ajo dhe motra e saj u rritën në të njëjtin qytet me presidentin e Ukrainës, Volodymyr Zelensky .
Krivyi Rih, ku jetojnë ende prindërit e saj, ishte 48 kilometra larg përparimit të forcave ruse në Ukrainën jugore në vitin 2022.
Kolegët e saj e përshkruajnë atë si të përkushtuar ndaj punës së saj dhe të pakompromis. "Ajo nuk kishte jetë tjetër përveç punës së saj, nuk kishte miq, nuk kishte partner. Ajo ka bërë gjithmonë një punë të shkëlqyer. Për të ishte një mision", tha Sevil Musayeva, kryeredaktore e Ukrainska Pravda .
"Ajo ishte një nga gazetaret më të guximshme që kam takuar në karrierën time", shtoi më tej ajo.
“Kontakti” i saj i parë me autoritetet ruse ndodhi në mars të vitit 2022, ndërsa ajo po raportonte nga qyteti i pushtuar i Berdyansk. Ajo u kap më pas nga një ushtar dhe iu dorëzua agjentëve të Shërbimit Federal të Sigurisë Ruse (FSB), ku e detyruan të regjistronte një video propagandistike dhe e liruan disa ditë më vonë, pas një proteste publike.
Kur u kthye në Ukrainë, kolegët e saj e nxitën të pushonte dhe t'i nënshtrohej një psikoterapie. Megjithatë, ajo vazhdoi të kalonte vijën e frontit.
Në udhëtimin e saj të fundit, ajo dyshohet se po kërkonte vendndodhjen e qendrave sekrete, ndërtesave nëntokësore ose industriale ku agjentët rusë të sigurisë përdornin sistematikisht tortura për të marrë në pyetje qytetarët ose për t'i detyruar ata të jepnin rrëfime të rreme, ndërsa përpilonte një listë të agjentëve të FSB-së përgjegjës.
Sondazh
Lexo gjithashtu
