Një operacion i Organizatës Kombëtare të Inteligjencës në bashkëpunim me forcat e sigurisë, çoi në arrestimin e tetë personave që spiunonin për Izraelin.
Lajmin e ka bërë me dije Ministri i Brendshëm i Turqisë, Ali Gerlikaya. Personat e arrestuar akuzohen se kanë zhvilluar takime me bashkëpunëtorët e shërbimit sekret izraelit.
Njoftimi vjen pasi marrëdhëniet midis dy vendeve nuk janë në një gjendje më të mirë që p[as shpërthimit të luftës së Izraelit në Rripin e Gazës. Presidenti turk Rexhep Tajip Erdogan ka sulmuar vazhdimisht Izraelin dhe Benjamin Netanyahun duke përdorur një gjuhë veçanërisht të ashpër.
Në fillim të vitit, autoritetet turke kishin arrestuar 34 persona me akuzën e spiunazhit për Izraelin, nga të cilët 26 u ndaluan dhe tetë u deportuan. Më pas, në dy operacione të veçanta policore në shkurt dhe mars, autoritetet turke sollën 16 persona të tjerë me të njëjtën akuzë.
Sondazh
Lexo gjithashtu
