Një avion i vogël i Policisë Tajlandeze u rrëzua këtë mëngjes pranë bregdetit të qytetit turistik Hua Hin, duke shkaktuar vdekjen e gjashtë personave që ndodheshin në bord, konfirmoi policia tajlandeze.
Sipas deklaratës zyrtare të postuar në rrjetet sociale nga Policia Kombëtare, avioni i përkiste divizionit të aviacionit policor dhe ra në det, në afërsi të distriktit Cha-am, në Provincën Phetchaburi, vetëm pak minuta pasi ishte ngritur nga aeroporti lokal në Hua Hin.
Avioni po kryente një fluturim prove për qëllime stërvitore me parashutë kur ndodhi aksidenti. Pamjet e publikuara tregojnë momentin dramatik kur avioni u zhyt në det.
Hetimet paraprake sugjerojnë se shkaku mund të ketë qenë një defekt në motor menjëherë pas ngritjes, por autoritetet kanë nisur një hetim të plotë për të zbardhur shkaqet e sakta të ngjarjes.
Qendra e urgjencës së policisë së provincës Phetchaburi raportoi se mori njoftimin për rrëzimin rreth orës 08:15 të mëngjesit, pranë një vendpushimi turistik në vijën bregdetare të rajonit.
Sondazh
Lexo gjithashtu
