Një tragjedi ajrore është shënuar në brigjet lindore të Australisë në veri të Sidneit. Dy persona kanë humbur jetën, mrëmjen e së shtunës 4 Janar ku avionic u përplas pranë qytetit Nambucca Heads, afërsisht 400 km në veri të Sidneit.
“Piloti dhe pasagjeri i avionit vdiqën në vendngjarje dhe ende nuk janë identifikuar zyrtarisht”,- tha Policia e NSW, sipas mediave së huaja.
Korporata Australiane e Transmetimeve (ABC) raportoi se rrënojat u gjetën rreth 1.5 km larg bregut ndërsa policia tha se ka filluar një hetim për rrethanat e incidentit, me ndihmën e Byrosë Australiane të Sigurisë së Transportit.
Në dy javët e fundit incidentet në ajër të cilat kanë lënë pas shumë viktim janë të shumta. Kujtojmë shpërthimin e avionit në Kazakistan në ditën e Krishtlindjeve, ku humbën jetën 38 pasagjerë.
Por tragjedia më e rëndë u shënua disa ditë më pas në Korenë e Jugut ku një avion Avioni Boeing 737-800, që transportonte 176 pasagjerë dhe gjashtë anëtarë të ekuipazhit, devijoji duke u përplasur me murin rrethues të pistës.
Pas uljes, avioni shpërtheu në flakë duke i marrë jetën 179 personave dhe vetëm 2 kanë mbijetuar.
Shkaku i rrëzimit të avionit dyshohet të ketë qenë një goditje nga zogjtë. Kështu tha një nga dy anëtarët e shpëtuar të ekuipazhit.
Sondazh
Lexo gjithashtu
