Të mbijetuarit e tornados shkatërrimtare që goditi Arkansasin, janë bllokuar nga marrja e ndihmës federale për rimëkëmbjen, pasi presidenti Donald Trump refuzoi kërkesën e shtetit për të shpallur gjendjen e një fatkeqësie të madhe në mars.
Administrata Trump ka refuzuar kërkesën e guvernatores republikane Sarah Huckabee Sanders për ndihmë individuale dhe publike, pas një serie stuhish të fuqishme dhe tornadosh që goditën jo vetëm Arkansasin, por edhe shtetet fqinje të Misisipit dhe Misurit, duke shkaktuar mbi 40 viktima.
Refuzimi i ndihmës vjen në kuadër të një serie urdhrash ekzekutivë të nënshkruar nga Trump, të cilët synojnë të zhvendosin përgjegjësinë për reagimin dhe rikuperimin nga fatkeqësitë natyrore nga niveli federal tek shtetet. Ky ndryshim vjen në një kohë kur fatkeqësitë klimatike po bëhen gjithnjë e më të shpeshta dhe shkatërrimtare, në një botë që po përballet me efektet e ngrohjes globale.
Ende mbetet e paqartë se si shtetet do të mbulojnë boshllëkun financiar, për dekada ka qenë si përgjegjësi e qeverisë federale, për shkak të përmasave të mëdha dhe ndikimit shumë-shtetëror të fatkeqësive natyrore.
Ndërkohë, si Trump ashtu edhe Sektori i Departamentit të Sigurisë Kombëtare, Kristi Noem, e kanë bërë të qartë qëllimin për të kufizuar ose eliminuar rolin e Agjencisë Federale për Menaxhimin e Emergjencave (FEMA), e cila aktualisht shpenzon miliarda dollarë çdo vit për të siguruar strehim të përkohshëm dhe mbështetje për rindërtim pas fatkeqësive. Përveç ndihmës individuale, FEMA mbështet edhe bashkitë për rikuperimin e infrastrukturës së dëmtuar nga fatkeqësitë si tornadot, uraganet apo zjarret në natyrë.
Sondazh
Lexo gjithashtu
