Kancelari Federal Olaf Scholz është nominuar zyrtarisht si kandidat i Partisë Socialdemokrate për zgjedhjet federale gjermane, të cilat do të mbahen më 23 shkurt. Në konferencën e zhvilluar në Berlin, shumica dërrmuese e 600 delegatëve të SPD-së votuan në favor të Scholz, duke e mbështetur atë si liderin për të udhëhequr partinë drejt fitores.
Në fjalimin e tij, Scholz paralajmëroi për rreziqet që mund të sjellë një fitore e CDU/CSU në zgjedhjet e ardhshme, duke theksuar se premtimet e kësaj partie për uljen e taksave do të favorizojnë "milionerët dhe miliarderët", ndërsa qytetarët e zakonshëm do të vuajnë pasojat me shkurtime në shërbime dhe pensione.
Kancelari gjithashtu foli për "situatën e çrregullt" që mbizotëron aktualisht në botë dhe theksoi se Gjermania ka nevojë për një qeveri që të udhëhiqet me maturi, qartësi dhe përvojë. Ai u emërua unanimisht nga bordi ekzekutiv federal i SPD-së në fund të nëntorit, pavarësisht kritikave nga krahu rinor i partisë, SPD Jusos.
Sondazh
Lexo gjithashtu
