Në ceremoninë mortore të Papa Françeskut, kryeministrja italiane, Giorgia Meloni priti në një takim presidentin e Ukrainës, Volodymyr Zelenskyn në Palazzo Chigi.
Takimi mes dy krerëve të shtetit zgjati rreth një orë, ndërsa më parë Zelensky kishte biseduar dhe me presidentin e SHBA-ve, Donald Trump, presidentin e Francës, Emmanuel Macron si dhe kryeministrin britanik Keir Starmer.
Sipas një shënimi të lëshuar nga Palazzo Chigi, gjatë bisedimeve "liderët përsëritën mbështetjen e tyre për përpjekjet e Presidentit Trump për të arritur një paqe të drejtë dhe të qëndrueshme, të aftë për të garantuar një të ardhme sigurie, sovraniteti dhe lirie për Ukrainën".
“Meloni shprehu, gjithashtu në emër të qeverisë, ngushëllimet e saj për viktimat e sulmeve të fundit ruse, duke ripërtërirë dënimin e saj të vendosur për akte të tilla dhe duke theksuar urgjencën e një armëpushimi të menjëhershëm dhe të pakushtëzuar, si dhe nevojën për një angazhim konkret nga Moska për fillimin e një procesi paqeje”, vazhdoi deklarata.
Kryeministri "përshëndeti gatishmërinë e plotë të Ukrainës për një armëpushim të menjëhershëm. Tani pritet që Rusia gjithashtu të tregojë konkretisht vullnetin e saj për të ndjekur paqen," përfundon shënimi.
Sondazh
Lexo gjithashtu
