Departamenti i Sigurisë Kombëtare i Shteteve të Bashkuara njoftoi dje se do të heqë Statusin e Mbrojtjes së Përkohshme (TPS) për disa shtetas afganë që jetojnë në SHBA, duke përmendur përmirësimin e situatës së sigurisë dhe ekonomike në Afganistan.
"Ne kemi shqyrtuar kushtet në Afganistan, së bashku me partnerët tanë ndëragjencialë, dhe ata nuk i plotësojnë më kriteret për të mbajtur statusin e mbrojtjes së përkohshme (TPS)", thuhet në deklaratën e Sekretares së Sigurisë Kombëtare Kristi Noem.
"Situata e sigurisë në Afganistan është përmirësuar dhe ekonomia po stabilizohet, kështu që këto kushte nuk i pengojnë më qytetarët afganë të kthehen në shtëpi", shtoi ajo.
Sipas Noem, statusi aktual i mbrojtjes së përkohshme për qytetarët afganë do të skadojë më 20 maj, ndërsa vendimi për përfundimin e tij do të hyjë në fuqi më 12 korrik.
TPS ofron mbrojtje për qytetarët e huaj që nuk mund të kthehen në vendin e tyre për shkak të luftës, fatkeqësive natyrore apo kushteve të tjera të jashtëzakonshme.
Sondazh
Lexo gjithashtu
