Kancelari gjerman Olaf Scholz bëri një vizitë të papritur në Kiev për të rikonfirmuar mbështetjen e Gjermanisë ndaj Ukrainës në përballjen me agresionin rus.
Ai njoftoi një paketë të re ndihmash ushtarake me vlerë 650 milionë euro, duke premtuar që armatimet do të mbërrijnë në Ukrainë deri në fund të vitit.
“Kam udhëtuar gjatë natës drejt Kievit, një vend që po lufton kundër agresionit rus për më shumë se 1.000 ditë,” deklaroi Scholz në një postim në X (ish-Twitter).
Ai vlerësoi përpjekjet heroike të Ukrainës në mbrojtjen e sovranitetit të saj dhe ritheksoi se Gjermania do të vazhdojë të jetë një prej mbështetësve më të mëdhenj evropianë të Ukrainës.
Vizita e Scholzit vjen pas kritikave nga presidenti ukrainas Volodymyr Zelensky, lidhur me një bisedë të mëparshme telefonike që Scholz kishte zhvilluar me presidentin rus Vladimir Putin. Kjo bisedë ndodhi në një kohë kur ekzistojnë spekulime mbi efektet që udhëheqësia e re amerikane mund të ketë në mbështetjen për Ukrainën.
Sondazh
Lexo gjithashtu
