93 raketa dhe 200 dronë janë lëshuar mbi tokën ukrainase vetëm ditën e sotme nga agresori rus. Këtë lajm e bëri të ditur presidenti i Ukrainës, Volodymyr Zelensky i cili tha se ky është sulmi më i madh që Rusia ka kryer kundër Ukrainës dhe infrastrukturës së energjisë.
“Armiku vazhdon terrorin e tij. Edhe një herë, sektori i energjisë në të gjithë Ukrainën është nën sulm masiv”, theksoi ministri i Energjisë Galushenko në një postim në Facebook.
Sistemi energjitik i Ukrainës është goditur me dhjetëra herë gjatë këtij viti duke shkaktuar dëme serioze në vend si dhe ndërprerje të vazhdueshme të ernërgjisë në pjesën më të madhe të Ukrainës.
Sulmi i sotëm rezultoi në kufizime të mëtejshme në përdorimin e energjisë elektrike për konsumatorët, sipas rrjetit kombëtar të furnizimit, Ukrenergo.
Kompania më e madhe private e energjisë në Ukrainë , DTEK, njoftoi gjithashtu se forcat ruse shkaktuan "dëmtime të rënda" në pajisjet në një termocentral gjatë sulmit të tyre në mëngjes në infrastrukturën energjetike.
Një burim i industrisë i tha gjithashtu Reuters se nënstacionet e energjisë ishin në shënjestër në sulmin e sotëm të zgjatur të raketave ruse, si dhe më shumë infrastrukturë të gazit natyror sesa në sulmet e mëparshme.
Sondazh
Lexo gjithashtu
