Në një lëvizje që thekson afrimin strategjik midis Rusisë dhe Bjellorusisë, presidentët Vladimir Putin dhe Aleksandër Lukashenko nënshkruan sot një traktat të ri për garanci të ndërsjella sigurie.
Marrëveshja synon forcimin e bashkëpunimit ushtarak mes dy vendeve, në sfondin e tensioneve të vazhdueshme në Ukrainë dhe ndryshimeve globale pas zgjedhjes së Donald Trump si president i SHBA.
Sipas zëdhënësit të Kremlinit, Dmitry Peskov, dokumenti përfshin potencialin e përdorimit të armëve bërthamore taktike ruse të vendosura në Bjellorusi, në rast të ndonjë kërcënimi apo agresioni të jashtëm.
Takimi mes dy liderëve u zhvillua në Minsk, ku Lukashenko priti Putinin për të shënuar 25-vjetorin e krijimit të Shtetit Union, një aleancë që siguron kufij të hapur dhe bashkëpunim të thellë politik dhe ekonomik midis dy ish-republikave sovjetike. Marrëveshja e re pritet të forcojë më tej lidhjet ushtarake dhe strategjike të dy vendeve.
Sondazh
Lexo gjithashtu
