
Një tjetër avion është rrëzuar në Iran pranë qytetit të Rashtit.
Autoritetet iraniane bëjnë me dije se avioni rrëzuar ishte avion i trajnimit të policisë dhe shkak dyshohet të jetë bërë një dëmtim teknik. Aksidenti ka ndodhur ditën e sotme, ku nga ky rrëzim kanë humbur jetën tre anëtarët e ekuipazhit në bord.
Sipas deklaratës nga qendra e informacionit të policisë iraniane, avioni ishte i përmasave të vogla dhe u rrëzua në zonën Garakouh të rrethit Kochesfahan.
Viktimat u identifikuan si kapiten Khansari, i cili shërbente si instruktor fluturimi, kolonel Ebrahimzadeh, bashkë-pilot dhe kolonel Feizi, inxhinier fluturimi.
Incidenti i shtohet një sërë aksidentesh aviacioni në Iran.
Në nëntor të vitit të kaluar, gjatë një aksidenti ajror në rajonin kufitar juglindor të Iranit humbën jetën dy persona pjesë e Korpusit të Gardës Revolucionare Islamike (IRGC), duke përfshirë një komandant të lartë.