“Donald Trump është kthyer në Shtëpinë e Bardhë dhe ka dhënë një fjalim të fuqishëm inaugurimi, duke kërcënuar se do të ndërtojë një "perandori amerikane" dhe do të ndryshojë rendin botëror, duke përfshirë territore nga Panamaja në Grenlandë.” -shkruan Politico.
Pas rikthimit të Trump, liderët e Europës janë shprehur të shqetësuar mbi demokracinë dhe stabilitetin e politikave botërore.
Për këtë arsye, reagimi i Evropës ndaj fjalimeve të tij ka qenë i përmbajtur dhe taktik, duke shmangur çdo përplasje të hapur me administratën e re amerikane.
Në Davos, Presidentja e Komisionit Evropian, Ursula von der Leyen, nuk përmendi Trump me emër, ndërsa kancelari gjerman Olaf Scholz theksoi se Evropa duhet të ruajë "mendje të ftohta" ndaj sfidave që mund të sjellë politika e Trump, veçanërisht në fushat e energjisë, klimës, tregtisë dhe sigurisë.
“Evropa, megjithatë ka forcuar përgatitjet përballë një mundësie të mundshme përplasjeje tregtare me SHBA-në. Brukseli dhe Londra kanë hartuar skenarë lufte dhe janë të gatshëm për t'iu përgjigjur me tarifa hakmarrëse, nëse Trump vendos të përdorë tarifat universale, siç theksoi në fjalimin e tij inaugurues.
Në një zhvillim të fundit, Trump ka ofruar një mundësi për Evropën për të shmangur luftën tregtare, duke sugjeruar se mund të blejnë më shumë naftë dhe gaz amerikan. Komisioni Evropian e ka marrë seriozisht këtë ofertë dhe ka planifikuar bisedime të drejtpërdrejta me Shtëpinë e Bardhë.
Sa i përket mbështetjes për Ukrainën, liderët evropianë janë të angazhuar të tregojnë se janë partnerë të besueshëm dhe të gatshëm të negocojnë marrëveshje të reja me Trump, duke theksuar se do të jenë të kujdesshëm për të mos lejuar që Rusia të marrë përfitime të dëmshme nga një marrëveshje e keqe, që mund të nxisë edhe ambiciet e Kinës.
Evropa po përdor një qasje të kujdesshme, duke ruajtur hapësirën për të punuar me Trump, por duke mbajtur gjithashtu një arsenal përgjigjesh në rast të përplasjeve të mundshme.
Sondazh
Lexo gjithashtu
