Ish-presidenti sirian Bashar al-Assad dhe familja e tij kanë marrë azil politik në Rusi. Ky fakt është konfirmuar përmes një foto të publikuar agjencia ruse e lajmeve Ria Novosti, pasi Assad u largua nga Siria mes situatës së tensionuar në vendin e tij.
Sipas burimeve të Kremlinit, Rusia e ofroi azilin për arsye humanitare. “Bashar al-Assad dhe familja e tij janë tashmë në territorin rus. Azili iu dha për shkak të situatës kritike në Siri,” raportuan agjencitë TASS dhe Ria Novosti.
#عاجل صورة اولى لبشار الأسد وأسرته لحظة وصولهم إلى العاصمة الروسية #موسكو#بشار #سوريا pic.twitter.com/7JrtZV8vTx
— التاج الإخباري (@altajnews2) December 8, 2024
Shqetësimet për fatin e Assad-it nisën të përforcoheshin që nga momenti kur rebelët hynë në Damask. Të dhënat e publikuara nga FlightRadar treguan një avion të kompanisë Syrian Air që u ngrit nga aeroporti i Damaskut. Fluturimi fillimisht u drejtua drejt brigjeve alavite në Siri, por më pas bëri një kthesë të papritur dhe u zhduk nga radarët.
Tashmë, prania e tij në Moskë është konfirmuar, duke e vendosur një herë e mirë jashtë konfliktit që ka përfshirë vendin e tij.
Sondazh
Lexo gjithashtu
