Një zyrtar i Hamasit i ka dhënë BBC-së një listë me 34 pengje, përfshirë të mitur, që grupi po mban dhe që planifikon t'i lirojë si pjesë e një marrëveshjeje të mundshme armëpushimi me Izraelin.
Siç vë në dukje BBC, lista përfshin emrat e fëmijëve që Hamasi ka thënë se janë vrarë gjatë sulmeve ajrore izraelite.
Ato përfshijnë 32 persona që u rrëmbyen gjatë sulmit nga burrat e Hamasit në Izraelin jugor më 7 tetor 2023, dhe dy të cilët janë mbajtur për një dekadë. Moshat e pengjeve në listë variojnë nga një vjeç deri në 86 vjeç.
Megjithatë, është e paqartë se sa nga 34 janë ende gjallë. Mes 34 pengjeve është 19-vjeçarja Liri Albagh, e cila u shfaq në një video të postuar nga Hamasi gjatë fundjavës duke i kërkuar qeverisë së saj të bënte një marrëveshje.
Të përfshirë janë edhe dy vëllezërit, Kfir Bibas, i cili po i afrohet ditëlindjes së tij të dytë dhe Arieli 5-vjeçar. Të dy fëmijët u morën peng së bashku me prindërit e tyre, por Hamasi ka thënë më parë se fëmijët u vranë në një sulm ajror izraelit.
Gjatë sulmit të Hamasit më 7 tetor 2023, 251 persona u rrëmbyen.
Sondazh
Lexo gjithashtu
