Princesha Anne e Britanisë është në spital pas një incidenti të dielën pasdite në Gatcombe Park, ku ndodhet shtëpia e saj në fshat.
Sipas Sky Neës , pallati njoftoi sot se motra 73-vjeçare e mbretit Charles pësoi lëndime të lehta dhe tronditje dhe u dërgua në Spitalin Southmead si masë paraprake pas incidentit.
Në deklaratën zyrtare nuk jepen detaje të mëtejshme rreth incidentit, por theksohet se vajza e Elizabeth pritet të shërohet plotësisht. Nga informacionet e pakonfirmuara thuhet se aksidenti është shkaktuar nga një kalë. Megjithatë, pallati nuk përmend asgjë lidhur me këtë.
Mbreti Charles u informua gjithashtu për aksidentin e motrës së tij, i cili i dërgon urimet më të mira princeshës për një shërim të shpejtë.
Anna është princesha e 16-të në linjën e trashëgimisë, konsiderohet si një nga anëtarët më aktivë të familjes mbretërore. Vetëm në vitin 2022, Princesha Anne mori pjesë në 214 ngjarje zyrtare.
Sondazh
Lexo gjithashtu
