Donald Trump është shpallur fajtor për të 34 akuzat për falsifikimin e të dhënave të biznesit. Ai i cili u padit në lidhje me një pagesë për aktoren e filmave për të rritur, Stormy Daniels, përpara zgjedhjeve presidenciale të vitit 2016 dhe është presidenti i parë fajtor për një krim.
Ish-Presidenti e quajti gjyqin kundër tij një "turp" dhe një "gjyq të montuar". Si kandidati republikan që supozohet se do të rigarojë për president, Trump tha se "vendimi i vërtetë do të jetë 5 nëntori nga njerëzit", duke iu referuar zgjedhjeve të përgjithshme.
Donald Trump sulmoi Prokurorin e Qarkut të Manhatanit dhe administratën e presidentit aktual Joe Biden, për të cilat pretendoi në mënyrë të rreme se ndikuan në çështje. "Ata e dinë se çfarë ndodhi këtu dhe të gjithë e dinë se çfarë ndodhi këtu", tha ai duke ju referuar qytetarëve amerikanë.
Vendimi për dënimin e Donald Trump është caktuar të jepet më datë 11 korrik. Ai përballet me një dënim maksimal prej një deri në katër vjet burg. Duke pasur parasysh moshën e tij dhe mungesën e një precedenti penal të mëparshëm, ai mund të vuajë një dënim më të shkurtër ose aspak burgim.
As fajësia dhe asnjë dënim nuk e pengojnë atë të shërbejë si president, nëse fiton zgjedhjet.
Jo vetëm që Trump është ish-presidenti i parë që u shpall fajtor për një krim, ai është gjithashtu i pari kandidat presidencial nga partitë kryesore që dënohet për një krim në mes të një fushate për Shtëpinë e Bardhë. Dhe nëse ai mposht Presidentin Joe Biden në nëntor, ai do të jetë presidenti i parë në histori që është një kriminel i dënuar.
Prokurori i Qarkut të Manhatanit, Alvin Bragg njoftoi akuzat kundër Donald Trump vitin e kaluar dhe paraqiti aktakuzën e parë të një ish-presidenti, duke e akuzuar atë për falsifikimin e shlyerjes së faturës së ish-avokatit të tij Michael Cohen, në mënyrë që të mbulonte një pagesë prej 130,000 dollarë që Cohen i bëri aktores së filmave për të rritur, yllit Stormy Daniels, që ajo të heshtte për lidhjen e supozuar me Trump (sepse ish-presidenti e ka mohuar romancën) para zgjedhjeve të 2016.
Sondazh
Lexo gjithashtu
