Prokurori special i SHBA, Jack Smith ka kërkuar nga Departamenti i Drejtësisë (DOJ) të pezullojë gjyqin ndaj ish-Presidentit Donald Trump, pas mundësisë që ai të zgjidhet për një mandat të dytë në zgjedhjet e 2024-ës.
Në një kërkesë të bërë për gjykatën, Smith argumenton se për shkak të situatës të jashtëzakonshme që mund të krijohet në rast se Trump certifikohet si fitues i zgjedhjeve të 5 nëntorit dhe bëhet President i zgjedhur deri më 6 janar 2025, gjyqi duhet të ndalet përkohësisht, për t'i dhënë mundësi qeverisë të vlerësojë pasojat.
Sipas kërkesës, afatet aktuale të gjykatës duhet të lirohen, për t'u siguruar që çështja të trajtohet në përputhje me politikën dhe procedurat e Departamentit të Drejtësisë.
Në njoftimin e tij, Departamenti i Drejtësisë ka kërkuar që gjykata të japë një përgjigje deri më 2 dhjetor 2024 në lidhje me hapat e mëtejshëm, dhe të informojë për statusin e diskutimeve me palët e përfshira.
Avokatët mbrojtës të Trump janë konsultuar për këtë çështje dhe kanë shprehur mbështetje për kërkesën e qeverisë, duke theksuar se ata nuk e kundërshtojnë pezullimin e afateve të gjykimit.
Sondazh
Lexo gjithashtu
