Zona më e madhe e Los Anxhelosit të kujton një skenë lufte nga zjarri që ka djegur mijëra hektarë tokë, ka shkatërruar prona me vlerë miliarda dhe ka lënë pas 10 të vdekur.
Sikur të mos mjaftonin zjarret shkatërruese, Kalifornia është goditur nga dy tërmete të njëpasnjëshme.
Një tërmet me magnitudë 3.7 u regjistrua pranë zonës së Gjirit të San Franciskos rreth orës 7:02 të mëngjesit, me epiqendrën e tij rreth pesë milje në jugperëndim të urës Golden Gate dhe dy milje në perëndim të Highëay Highëay.
Studimi Gjeologjik i SHBA-së (USGS) tregon se më shumë se 5000 njerëz raportuan se ndjejnë lëkundjet në zonë dhe numri është në rritje. Zona ndodhet në vijën San Andreas Fault, e cila kalon nga Kepi Mendocino në veri deri në Detin Salton në jug.
Tërmeti u pasua nga një lëkundje tjetër me magnitudë 2.2 me qendër në të njëjtën zonë rreth 4 minuta më vonë, tha USGS.
Aktiviteti sizmik ndodhi gjithashtu rreth 350 milje larg zonës së Los Anxhelosit, ku zjarret shkatërruese vranë të paktën 10 dhe detyruan 180,000 të largoheshin nga shtëpitë e tyre.
Një lajm i keq vjen edhe nga sinoptikanët të cilët shprehen se sado që forcat zjarrfikëse dhe i gjithë aparati shtetëror i Kalifornisë po luftojnë për të vënë nën kontroll zjarret, vetëm ndryshimi i motit mund të bëjë të mundur qetësimin e situatës.
Zjarret nga Los Angeles
Sondazh
Lexo gjithashtu
