Një gjykatë federale ka pezulluar përkohësisht urdhrin e administratës së ish-Presidentit Donald Trump për mbylljen e Radio Evropës së Lirë, duke i dhënë mundësinë transmetuesit të vazhdojë operimin në transmetim dhe internet.
Gjykatësi i qarkut amerikan, Royce C. Lamberth, pranoi kërkesën e REL për një urdhër të përkohshëm ndalimi, duke e lejuar atë të vazhdojë aktivitetin përkohësisht.
REL kishte ngritur padi javën e kaluar kundër urdhrit të mbylljes, duke argumentuar se ky vendim do të shkelte Kushtetutën dhe ligjet federale të Shteteve të Bashkuara, të cilat mbrojnë lirinë e fjalës dhe të medias. Gjatë seancës dëgjimore, administrata Trump ra dakord të paguajë detyrimet e pashlyera për gjysmën e parë të muajit mars, por megjithatë mbetet e angazhuar në mbrojtjen e urdhrin të mbylljes që hyri në fuqi më 15 mars.
“Ne kemi besim se ligji është në anën tonë pasi Kushtetuta e SHBA i jep Kongresit fuqinë ekskluzive të kuletës. Është e paligjshme të na mohohen fondet që Kongresi i ka ndarë tashmë Radios Evropa e Lirë për pjesën tjetër të këtij viti fiskal”, tha CEO i Radios Evropa e Lirë, Stephen Capus në një deklaratë pas seancës.
“REL/RL ka funksionuar, për dekada të tëra, si një nga organizatat që Kongresi ka caktuar me statut për të zbatuar këtë politikë. Udhëheqja e USAGM nuk mund, me një fjali arsyetimi që nuk ofron pothuajse asnjë shpjegim, ta detyrojë Radion Evropa e Lirë të mbyllet edhe nëse Presidenti u ka thënë ta bëjnë këtë”, shkroi gjykatësi, Lamberth.
Sondazh
Lexo gjithashtu
