Këngëtarja Billie Eilish sëbashku me vëllain e saj Finneas O'Connell përmes një video në rrjetet sociale kanë bërë publike mbështetjen e tyre ndaj Kamala Harris si dhe kanë bërë thirrje njerëzve të regjistrohen dhe të votojnë.
"Sot është Dita Kombëtare e Regjistrimit të Votuesve dhe ne po ju kërkojmë që të bashkoheni me ne për të shkuar në iëillvote.com për të kontrolluar statusin tuaj dhe për të votuar herët. Ne po votojmë për Kamala Harris dhe Tim Ëalz sepse ata po luftojnë për të mbrojtur lirinë tonë riprodhuese, planetin tonë dhe demokracinë tonë.” – tha Billie Eilish.
Projekti 2025 është një plan prej 900 faqesh i krijuar nga ndihmësit e Donald Trump, i cili përfshin detaje për të zgjeruar autoritetin e tij ekzekutiv, për të zëvendësuar nëpunësit civilë me të emëruar të lidhur ideologjikisht, për të shkatërruar të drejtat e abortit dhe për të imponuar një axhendë kundër emigrantëve.
Billie më pas ndau një mesazh urgjent për fansat teksa tha: “Votoni sikur jeta juaj varet nga ajo votë”.
Billie dhe Finneas nuk janë të famshmit e parë që japin mbështetjen e tyre për Harris. Taylor Swift është shprehur gjithashtu në favor të Zëvendës Presidentes, duke shkruar në një postim të gjatë në Instagram: Unë do të jap votën time për Kamala Harris dhe Tim Walz në zgjedhjet presidenciale të 2024.
Sondazh
Lexo gjithashtu
