Një person i dyshuar si një "agjent i fshehur" i Shtetit Islamik është arrestuar në shtetin gjerman, vetëm disa orë pasi zyrtarët e lartë të sigurisë paralajmëruan për kërcënimin e sulmeve ekstremiste islamike gjatë Euro 2024 .
Sipas mediave të huaja, i arrestuari është një irakian, Mahmoud A., u arrestua dje në qytetin Esslingen në periferi të Shtutgartit, pasi dyshohej se po përgatiste një sulm terrorist në emër të ISIS .
Ai mbërriti në Gjermani në tetor 2022, sipas hetuesve, por besohet se ka qenë i lidhur me ISIS që nga viti 2016. Është e paqartë se si i dyshuari arriti të hynte në Gjermani duke pasur parasysh historinë e tij.
Ministrja e Brendshme Nancy Faeser tha se arrestimi tregoi përkushtimin e Gjermanisë për të shtypur kërcënimin islamik, duke deklaruar: "Autoritetet tona të sigurisë janë jashtëzakonisht vigjilente, ndjekin çdo informatë dhe godasin fort për të mbrojtur vendin tonë".
Arrestimi i djeshëm u bë disa orë përpara se vendi pritës, Gjermania të luante me Hungarinë në ndeshjen e dytë të Euro 2024 në Shtutgart.
Një ditë më parë, Thomas Haldenwang, kreu i agjencisë së brendshme të inteligjencës gjermane (BFV), tha se kërcënimi terrorist është rritur për shkak të solidaritetit të Berlinit me Izraelin pas sulmeve të Hamasit të 7 tetorit .
Haldenwang njoftoi se Gjermania ishte bërë një objektiv kryesor për grupet ekstremiste, por gjithashtu tha se kërcënimi nga ujqërit e vetmuar të radikalizuar pa lidhje të qarta me organizatat terroriste përbën gjithashtu një kërcënim të rëndësishëm.
Kujtojmë se pak kohë më parë, një efektiv policie gjeti vdekjen gjatë ndërhyrjes për të ndalur sulmin e një afgani në një tubim anti-islamik në Manheim. Disa ditë më pas, një ditë para hapjes së Euro 2024, një tjetër sulmues afgan vrau me thikë një bashkëatdhetar të tij dhe plagosi tre të tjerë gjatë një feste në fan zone.
Si pjesë e masave të përforcuara të sigurisë për Europianin, Gjermania ka rikthyer kontrollet e rrepta kufitare deri në mes të korrikut.
22000 efektivë policie janë vënë në gatishmëri për të përforcuar sigurinë e kufirit, hekurudhave dhe aeroportit për kohëzgjatjen e turneut katër-javor në një mobilizim në zbatimit të ligjit.
Berlini është detyruar gjithashtu të tërheqë oficerë nga jashtë, e tillë është shtrirja e operacionit të sigurisë, me rreth 2.7 milionë mbështetës që pritet të grumbullohen në stadiumet anembanë Gjermanisë nga tani deri në mes të korrikut, për të mos përmendur miliona të tjerë që shikojnë futbollin në ngjarje të shikimit masiv.
Sondazh
Lexo gjithashtu
