Sekretari i Përgjithshëm i OKB-së, Antonio Guterres ka bërë një paralajmërim të frikshëm lidhur me të ardhmen e luftës. Sipas Gueterres, përhapja e teknologjisë së Inteligjencës Artificiale po shton rrezikun e kërcënimeve nga lufta bërthamore, pasi fuqitë e mëdha janë përfshirë në një garë armatimesh.
“Njerëzimi është në prag lufte, rreziku i përdorimit të armëve bërthamore ka arritur një magnitudë të paparë që nga Lufta e Ftohtë. Shtetet janë përfshirë në një garë cilësore armatimesh. Teknologjitë si inteligjenca artificiale e shumëfishojnë rrezikun”,- paralajmëroi Guterres.
Në një video-mesazh që do të publikohej në takimin vjetor të Shoqatës Amerikane të Kontrollit të Armëve (ACA) në Uashington, Guterres tha se rregullat e vendosura më parë për të parandaluar testimin, përdorimin apo përhapjen armëve bërthamore duket se po bëhet inekzisten, ndërsa u bëri thirrje shteteve që posedojnë armë bërthamore të zotohen se nuk do të jenë të parët që do t’i përdorin ato.
“Regjimi i krijuar për të parandaluar përdorimin, testimin dhe përhapjen e armëve bërthamore po dobësohet”,- tha Guterres
Të njëjtën linjë me Guterres mban edhe Agjencia britanike, e cila thotë që liderët botërorë kanë frikë se në një përpjekje për të forcuar parandalimin e secilit komb, procedurat e nisjes potencialisht po riorganizohen me ndihmën e inteligjencës artificiale (IA).
Paralajmërimi i shefit të OKB-së vjen afërsisht 600 ditë përpara skadimit të marrëveshjes së Fillimit të Ri të vitit 2010 midis SHBA-së dhe Rusisë, e cila është marrëveshja e fundit e mbetur që kufizon arsenalin strategjik të dy superfuqive bërthamore.
Më shumë se 30 vjet që nga fundi i Luftës së Ftohtë, SHBA dhe Rusia kanë mbajtur shumë nga raketat e tyre balistike ndërkontinentale në gatishmëri, gati për të lëshuar brenda pak minutash.
Sondazh
Lexo gjithashtu
