Kuvendi i Asamblesë së Përgjithshme të Kombeve të Bashkuara miratoi me shumicë të madhe këtë të mërkurë një rezolutë që kërkon një armëpushim të menjëhershëm, të pakushtëzuar dhe të përhershëm mes Izraelit dhe militantëve të Hamasit në Rripin e Gazës, si dhe lirimin e menjëhershëm të të gjithë pengjeve.
Kjo kërkesë u pasua nga një votim me 158 vota pro në një asamble prej 193 shtetesh anëtare, duke përdorur një gjuhë më të fuqishme se ajo e përdorur në tetor të vitit 2023.
Megjithëse rezolutat e Asamblesë së Përgjithshme nuk janë të detyrueshme, ato mbajnë një rëndësi politike të madhe, duke reflektuar mendimin global mbi situatën. Shtetet e Bashkuara, Izraeli dhe shtatë shtete të tjera votuan kundër, ndërsa 13 shtete abstenuan.
Gjatë debatit, ambasadorët e Izraelit dhe të Palestinës shpërthyen me akuza të ndërsjella: ambasadori i Izraelit, Danny Danon, kritikoi OKB-në për një "obsesion të fajësimit të Izraelit", ndërsa përfaqësuesi i Palestinës, Riyad Mansour, e përshkroi Gazën si një "plagë të hapur" të njerëzimit, të mbushur me uria, dëshpërim dhe vdekje.
Po ashtu, OKB shprehu mbështetje për agjencinë palestineze UNRËA, duke miratuar një rezolutë tjetër me 159 vota pro, që dënonte një ligj të ri izraelit që ndalon operacionet e UNRËA në Izrael nga fundi i janarit.
Asambleja kërkoi që Izraeli të respektonte mandatin e agjencisë dhe të mundësonte vazhdimin e operacioneve të saj pa pengesa apo kufizime. Shtetet e Bashkuara, Izraeli dhe shtatë shtete të tjera votuan kundër, ndërsa 11 shtete abstenuan.
Sondazh
Lexo gjithashtu
