Papa Françesku pritet të dalë nga spitali Gemelli në Romë të dielën, pas një qëndrimi 1 mujor për shkak të një infeksioni të rëndë respirator që shkaktoi pneumoni të dyfishtë.
Mjekët e tij kanë njoftuar se ai do të ketë nevojë për dy muaj pushim në Vatikan për t’u rikuperuar plotësisht.
Papa 88-vjeçar u shtrua në spital më 14 shkurt dhe përjetoi dy episode shumë kritike gjatë këtij periudhe, kur jeta e tij ishte në rrezik.
Sipas Dr. Sergio Alfieri, ai nuk është shëruar plotësisht, por aktualisht është në një gjendje të qëndrueshme dhe nuk ka më pneumoni.
Mjekët konfirmuan se Papa do të ofrojë një bekim nga dritarja e tij në spitalin Gemelli të dielën, duke shënuar herën e parë që ai do të shfaqet në publik që kur u shtrua për trajtim. Pas kësaj, ai do të kthehet në rezidencën e tij në Vatikan për të filluar periudhën e rikuperimit.
Sondazh
Lexo gjithashtu
