Hapësire reklamuese

Bota

NATO dënon sulmin iranian: Jetike që konflikti në Lindjen e Mesme të mos dalë jashtë kontrollit

Shkruar nga Newsbomb
NATO dënon sulmin iranian: Jetike që konflikti në Lindjen e Mesme
Foto ilustruese

Aleanca e Traktatit të Atlantikut të Veriut (NATO), ka dënuar sulmin e Iranit kundër Izraelit, ndërsa ka bërë thirrje për përmbajtje në mënyrë që situata të mos përshkallëzohet më tej.

Zëdhënësja e NATO-s, Farah Dakhlallah, përmes një postimi në “X” ka thënë se Aleanca po i monitoron nga afër zhvillimit dhe se është jetike që konflikti të mos dalë jashtë kontrollit.

 “Ne dënojmë përshkallëzimin e situatës me Iranin brenda natës, bëjmë thirrje për përmbajtje dhe po i monitorojmë nga afër zhvillimet. Është jetike që konflikti në Lindjen e Mesme të mos dalë jashtë kontrollit”, shkruan ajo.

Irani nisi gjatë mbrëmjes së djeshme sulmin e drejtpërdrejtë ndaj Izraelit, duke lëshuar më shumë se 300 dronë dhe raketa.

Në një konferencë, zëdhënësi i Forcave të Mbrojtjes të Izraelit, Daniel Hagari tha se 99% të raketave i kanë shpërthyer në ajër.  Ai ndër të tjera u shpreh se sulmet gjatë natës erdhën nga Iraku dhe Jemeni.

E teksa sulmet nga Irani kanë pak orë që kanë nisur, presidenti i SHBA, Joe Biden ka telefonuar Netanyahun, duke i rikujtuar atij se Amerika qëndron e “hekurt” në krah të Izraelit.

"I thashë atij se Izraeli demonstroi një kapacitet të jashtëzakonshëm për t'u mbrojtur dhe mposhtur edhe sulme të paprecedentë," tha Biden më herët.

Ndërkohë, në reagimin e parë pas sulmeve kryeministri i Izraelit, Benjamin Netanyahu tha se arritën që të zbrapsin 99% të dronëve kamikazë që u lëshuan nga Irani.

“Ne i përgjuam, i zmbrapsëm, së bashku do të fitojmë," tha ai.

Sondazh

Poll

Lexo gjithashtu

Hapësire reklamuese