"Natë demokracie". Kështu është quajtur mbledhja e rreth 300 mijë protestuesve në rrugët e Stambollit pas arrestimit të kryebashkiakut Ekrem Imamoglu.
Mbështetësit e kryebashkiakut nuk janë ndalur edhe pse Presidenti Erdogan ka thënë se nuk do të tërhiqet përballë "terrorizmit të rrugës".
Kreu i partisë kryesore opozitare të Turqisë, CHP, deklaroi se 300 mijë protestues janë mbledhur sonte në Stamboll, menjëherë pas përfundimit të iftarit në këtë muaj të Ramazanit, për të mbështetur kryebashkiakun.
Për të tretën ditë radhazi, të premten, protestuesit u dyndën jashtë bashkisë së Stambollit, duke iu përgjigjur thirrjes së CHP-së, raportojnë mediat.
“Mos hesht, se përndryshe do të vijë shpejt radha jote”, thërrisnin protestuesit. Disa mbanin në duar pankarta me parulla si "Mos kini frikë, populli është këtu" dhe "Drejtësi, ligj, drejtësi".
Kryebashkiaku Ekrem Imamoglu, i cili akuzohet për "korrupsion dhe terrorizëm", pritej të merrte emërimin e CHP-së të dielën për të qenë kandidati i saj në zgjedhjet e ardhshme presidenciale.
Sondazh
Lexo gjithashtu
