Një stuhi e fuqishme bore ka përfshirë më shumë se 30 shtete në SHBA, duke ndikuar rreth 60 milionë njerëz dhe sjellë reshjet më të dendura dhe temperaturat më të ulëta të dekadës së fundit.
Një vorbull polare, që ka sjellë ajër të ftohtë nga Arktiku, ka goditur rajonet qendrore të vendit, duke krijuar kushte ekstreme atmosferike. Si rezultat, mijëra fluturime janë anuluar ose shtyrë, shumë rrugë janë bllokuar, dhe institucionet arsimore janë mbyllur.
Gjendje e jashtëzakonshme është shpallur në disa shtete, përfshirë Kentakin, Virxhinian Perëndimore, Arkansasin dhe zona të Nju Xhersit. Ndërkohë, Kansas dhe Misuri janë ndër rajonet më të prekura, ku dëbora ka arritur deri në 30 centimetra në disa vende.
Stuhia pritet të përfshijë edhe kryeqytetin Uashington dhe zonat përreth. Sipas meteorologëve, kushtet ekstreme pritet të fillojnë të zbuten gjatë ditëve në vijim.
Sondazh
Lexo gjithashtu
