Kryeministri i Izraelit, Benjamin Netanyahu herët mëngjesin e sotëm ka bërë reagimin e parë në lidhje me sulmin e Iranit ndaj vendit të tyre.
Me anë të një postimi në “X”, Netanyahu shkruan se Izraeli ka arritur që deri më tani të zmbrapsë 99% të dronëve kamikazë që janë lëshuar nga Irani.
“Ne i përgjuam, i zmbrapsëm, së bashku do të fitojmë," shkroi zoti Netanyahu në mesazhin e tij, duke iu referuar reagimit efektiv të Izraelit ndaj sulmit të Iranit, ku arriti të zmbrapste më shumë se 300 dronë kamikazë.
Në minutat e para pas fillimit të sulmit të Iranit, kryeministri i Izraelit iu drejtua popullit izraelit duke thënë: "Shteti i Izraelit është i fortë, IDF është e fortë, populli i Izraelit është i fortë".
"Së bashku do të qëndrojmë dhe me ndihmën e Zotit, së bashku do t'i mposhtim të gjithë armiqtë tanë," tha Benjamin Netanyahu ndër të tjera.
Sakaq, mëngjesin e sotëm, Këshilli i Sigurimit i qeverisë izraelite autorizoi Këshillin e Luftës Emergjente për të marrë vendime në lidhje me përgjigjen e Izraelit ndaj sulmit iranian.
Në praktikë kjo do të thotë se Këshilli i Luftës nuk do të ketë nevojë të kthehet në Këshillin e Sigurimit për miratimin e vendimeve, duke thjeshtuar kështu procesin kur kërkohen vendime të shpejta.
Sondazh
Lexo gjithashtu
