Kancelari Olaf Scholz u përpoq të jepte goditjen vendimtare që i duhej urgjentisht kandidatit konservator Friedrich Merz në të parin nga dy debatet televizive përpara zgjedhjeve të parakohshme në Gjermani pas dy javësh.
Në duelin 90-minutësh të së dielës, si socialdemokrati Scholz ashtu edhe Merz, i cili kryeson aleancën kryesuese të sondazheve CDU/CSU, argumentuan se ata janë në pozicionin më të mirë për të rikthyer ekonominë më të madhe të Evropës në një rritje domethënëse, duke mbajtur larg partinë e ekstremit të djathtë Alternativa për Gjermaninë me një qëndrim të fortë ndaj migrimit të parregullt dhe sigurisë së brendshme.
“Ne mund të veprojmë brenda një ore si Bashkim Evropian. Politika tregtare është një kompetencë evropiane dhe një arsye pse ne duhet të insistojmë që si evropianë t’u përmbahemi rregullave tona të përbashkëta. Nëse SHBA miraton një politikë doganore, do të ketë një rezultat që do të vuajë shumë se një komb i orientuar drejt eksportit”, u shpreh Olaf Scholz.
Duke iu referuar gjendjes së dobësimit të ekonomisë, Merz tërhoqi vëmendjen se Gjermania ka hyrë në vitin e tretë të recesionit, duke theksuar se ka më shumë falimentime firmash dhe rritje të numrit të të papunëve.
“Tani jemi në vitin e tretë të një recensioni. Kjo nuk ka ndodhur kurrë më parë në Gjermani. Kemi 3 milionë të papunë në Gjermani me një trend në rritje dhe 700,000 vende të lira pune që nuk mund të plotësohen. Kemi një valë falimentimesh si asnjëherë më parë në Gjermani në 500 vitet e fundit. Unë mendoj se Scholz ende nuk e kupton vërtetë realitetin”, tha Friedrich Merz.
Mes një sërë temash ishte gjithashtu edhe emigracioni. Scholz u shpreh për një kurs të ashpër në politikën e azilit. Nga ana tjetër, Merz theksoi, se dëbimet në kufijtë e Gjermanisë për emigrantët e paligjshëm janë të mundshme.
Kandidati i CDU-së shprehu gjithashtu hezitim për të marrë hua për të arritur objektivin e shpenzimeve të mbrojtjes të aleancës së NATO-s prej 2% të Prodhimit të Brendshëm Bruto, shumë më pak se 5% që kërkon Trump.
Ky debat televiziv shënon edhe fazën përmbyllëse të fushatës elektorale. Merz është shumë përpara në sondazhe dhe favorit për t’u bërë kancelar i ardhshëm i Gjermanisë ku kryeson deri në 34 përqind, ndërsa Scholz renditet në vend të tretë me 18 përqind pas AfD-së.
Sipas një sondazhi të fundit, nuk doli asnjë fitues i qartë në debatin televiziv:
Rreth 37% e gjermanëve e panë kancelarin Olaf Scholz si fituesin e debatit të parë televiziv me kundërshtarin e tij kryesor, kreun e CDU-së Friedrich Merz, sipas një sondazhi të opinionit nga grupi kërkimor Wahlen, raporton DW.
Rreth 34% e të anketuarve e panë Merz si fitues. Scholz i tha stacionit gjerman Radio Eins se ai beson se ai "ja doli mirë" kundër rivalit të tij.
"Unë po planifikoj të fitoj këto zgjedhje dhe mendoj se (debati) tregoi gjithashtu se është e mundur," tha ai.
Rreth 29% e 1,400 shikuesve të anketuar nuk panë asnjë nga dy kandidatët për kancelar si fitues të qartë.
Sondazhet parashikojnë se blloku konservator CDU/CSU do të dalë në krye në zgjedhjet federale të 23 shkurtit.
Sondazh
Lexo gjithashtu
