Qendrat e votimit në të gjithë Turqinë u mbyllën pasi votimi në zgjedhjet lokale të vendit përfundoi në orën 5 pasdite.
Kandidatët nga gjithsej 34 parti politike konkurruan në zgjedhje, me mbi 206,000 qendra votimi të ngritura në të gjithë vendin.
E teksa qytetarët kanë shprehur vendimin e tyre me votë, tashmë ka nisur edhe procesi i numërimit. Proces, i cili sipas mediave vendase pritet që të mbyllet në orën 18.00.
Votuesit që jetojnë në qytetet më të mëdha të Turqisë hodhën votat e tyre për kryetarin e bashkisë metropolitane, kryetarin e bashkisë, anëtarët e këshillit të qytetit, si dhe për mukhtarët dhe këshillat e pleqve. Këto qytete përfshijnë kryeqytetin Ankaranë, Stambollin dhe Izmirin - tre qytetet më të mëdha të vendit për nga popullsia - si dhe Adana, Antalia, Aydin, Balikesir, Bursa, Denizli, Diyarbakir, Erzurum, Eskisehir, Gaziantep, Hatay, Kahramanmaras, Kayseri, Kocaeli. , Konia, Malatya, Manisa, Mardin, Mersin, Mugla, Ordu, Sakarya, Samsun, Sanliurfa, Tekirdag, Trabzon dhe Van.
Ahmet Yener, kryetar i Këshillit të Lartë të Zgjedhjeve Turke, tha se rezultatet po futen në sistemin zgjedhor SECSIS dhe se këshilli ndan të gjitha hyrjet e të dhënave me partitë politike.
Sondazh
Lexo gjithashtu
