Hapësire reklamuese

Bota

Mbretëresha e Kriptove, kush është e shumëkërkuara e FBI-së që vodhi miliarda euro dhe u zhduk?

Shkruar nga Newsbomb
Mbretëresha e Kriptove, kush është e shumëkërkuara e
E shumëkërkuara e FBI-së, Ruja Ignatova

FBI-ja është prej kohësh në kërkim të shtetases bullgare, Ruja Ignatova e njohur për vjedhjen e miliardave euro në kripto. Ignatova përfundoi studimet për financë në Universitetin e Oksfordit dhe filloi më pas karrierën e saj në institucionet bankare, por siç duket qëllimet e saj kanë qenë më ambicioze se sa të qëndronte një punëtore e thjeshtë në bankë.

Ajo lançoi produktin e saj të parë kriptomonedhën “OneCoin” në vitin 2014 dhe më pas tërhoqi klientë që të investonin në monedhën dixhitale të saj, duke pretenduar se ishte e liçensuar njëjtë si monedha dixhitale “Bitcoin”. Por, investimi për këtë produkt rezultoi një mashtrim i madh, pasi ajo mori paratë dhe u zhduk bashkë me to.

Për kapjen e saj u vunë në dizpozicion autoritete të shumta policore të Gjermanisë si dhe njësia speciale e FBI-së, por deri më tani kërkimi i tyre nuk ka qenë efektiv, pasi nuk është arritur që të vihet në prangat e drejtësisë. Duke u nisur nga pretendimet e fundit, mendohet se Ignatova është vrarë, por trupi i saj nuk u gjet kurrë.

Hetimet për Ruja Ignatova, nisën në mars të vitit 2017-ës dhe me të marrë lajmin për nisjen e procedurave hetimore, ajo mori avionin e parë në Sofia dhe iku drejt Athinës. Sipas hetuesve, Ignatova mund të ketë pasur ndihmë të jashtme nga një person tjetër me emrin Hristoforos Nikos Amanatidis, i njohur ndryshe me nofkën Taki, i cili supozohet se e përdorte platformën e kriptove për të pastruar paratë që vinin nga aktivitete të jashtëligjshme si droga.

Megjithatë, ende nuk është arritur që të gjendet ndonjë informacion në lidhje me mashtruesen e kriptove, Ruja Ignatova apo ndihmësin e saj.

Richard Reinhardt, i cili filloi hetimin për OneCoin për Shërbimin e të Ardhurave të Brendshme të SHBA-së së bashku me FBI-në, i tha BBC-së për një personazh kyç që hetuesit nuk e kanë përmendur kurrë më parë publikisht. CEO i kriptomonedhës false “OneCoin”, Ruja Ignatova, është gruaja më e kërkuar e FBI-së. Ajo vodhi miliarda, më pas u zhduk. Provat e reja zbulojnë se çfarë mund të ketë ndodhur. Është zhdukur apo është vrarë?

Në dokumente, policia dyshon se Taki ka përdorur rrjetin financiar të OneCoin për të pastruar të ardhurat e trafikut të drogës.

Në Bullgarinë e tij të lindjes, Taki ka një status pothuajse mitik, një El Chapo ose Pablo Escobar. Ai dyshohet gjerësisht si kreu i një organizate bullgare të krimit të organizuar dhe një kontrabandist droge. Ai dhe bashkëpunëtorët e tij janë hetuar atje për grabitje me armë, kontrabandë droge dhe vrasje, por për të nuk janë gjendur asnjëherë prova që vërtetonin përfshirjen e tij në këto veprimtari.

Sipas informacioneve, besohet se Taki jeton aktualisht në Dubai, ku Ignatova bleu një apartament luksoz me milionat që ajo mori nga mashtrimi i OneCoin, ndërsa nuk dihet se si Taki dhe Ignatova u takuan, apo nëse ai ishte i përfshirë me OneCoin që në fillim, burime të shumta thonë se ata kishin një marrëdhënie të ngushtë personale dhe se ai ishte kumbari i vajzës së saj.

Dokumentet e Europol-it përmendin një marrëveshje komplekse për të shitur një ngastër toke, në bregun e Detit të Zi të Bullgarisë, që lidh një nga kompanitë e zonjës Ignatova me gruan e Takit. Dokumentet e policisë sekrete iu kaluan BBC-së nga Frank Schneider, një ish-spiun dhe këshilltar i Ignatovës, e cila është zhdukur që atëherë.

Në vitin 2022, gazetarit investigativ bullgar Dimitar Stojanov dhe kolegëve të tij në gazetën investigative bird.bg iu dorëzua një raport i policisë që ishte gjetur në shtëpinë e një polici të vrarë bullgar.

Në dokument, një informator policie detajon duke dëgjuar kunatin e Takit në gjendje të dehur duke thënë se Ignatova ishte vrarë me urdhër të Takit në fund të vitit 2018 dhe trupi i saj u copëtua dhe u hodh nga një jaht në detin Jon. Stoyanov thotë se kjo pistë mund të jetë shumë e mundshme”.

Autenticiteti i dokumentit të policisë u konfirmua nga zyrtarë bullgarë dhe bashkëpunëtorë të shumtë kriminalë të Takit, të cilët besojnë se teoria që ai e kishte vrarë atë është e vërtetë, thotë zoti Stojanov. Arsyeja e bashkëpunëtorëve ishte se e kërkuara zonja Ignatova kishte një detyrim ndaj Takit, i cili dëshironte të eliminonte lidhjet e tij me mashtrimin e OneCoin. Këta bashkëpunëtorë përfshijnë Krasimir Kamenov, i njohur si Kuro, i kërkuar nga Interpoli me akuza për vrasje.

Stoyanov thotë se Kuro i tha atij se kishte dëgjuar Takin duke diskutuar biznesin e tij kriminal përpara Ignatovës dhe kur Kuro e kishte sfiduar Takin nëse duhej ta bënte këtë, Taki ishte përgjigjur: “Mos u shqetëso, ajo është aq e mirë sa ka vdekur. ”

Kuro kishte pohuar gjithashtu se kishte folur me CIA-n për Takin, duke përfshirë edhe pretendimin se Taki kishte urdhëruar vrasjen e Ignatova. Burime pranë Kuros konfirmuan se ky takim u zhvillua në fund të vitit 2022. Në maj 2023, Kuro u vra në shtëpinë e tij në Cape Toën, së bashku me gruan e tij dhe dy të tjerë që punonin për të. Policia e Afrikës së Jugut është ende në kërkim të vrasësve, por ish-zëvendësministri bullgar Hristanov beson se vrasja e Kuros është e lidhur me Takin.

Disa njerëz duhej të eliminoheshin sepse dinin shumë për Takin. Ishte një lloj ekzekutimi publik që dukej më shumë si një deklaratë. Kujdes me kë merreni”,- tha ai.

Që nga publikimi i akuzave për vrasjen e Ignatova, gazetari Dimitar Stoyanov thotë se ai dhe kolegët e tij janë përballur me kërcënime me vdekje, duke e detyruar atë të largohet përkohësisht nga Bullgaria për herë të katërt në karrierën e tij.

Stoyanov nuk pretendon të dijë një motiv për ndonjë vrasje të supozuar, por të dhënat e pasurisë dhe dëshmitarët okularë i kanë thënë atij, se që nga zhdukja e saj, një numër i pronave të saj bullgare tani po përdoren nga njerëz të lidhur me Takin.

Taki nuk është arrestuar kurrë për pretendimet se kishte vrarë Ignatovën. Trupi i saj nuk është gjetur kurrë dhe hetuesit thonë se nuk kanë prova të mjaftueshme për ta ndjekur penalisht.

Por ish-hetuesi i IRS Richard Reinhardt mendon se Ignatova ka të ngjarë të ketë vdekur. Edhe pse ai nuk ka parë asnjë provë që e lidh vdekjen e saj me Takin, ai thotë se përputhet me mënyrën se si funksionojnë kartelet e drogës.

Nuk ka nder mes hajdutëve… duke e ditur se sa të dhunshëm janë kartelet, nëse Taki mendonte se ajo ishte një kërcënim për të… ai ndoshta do eliminonte”,- tha ai.

Në vitin 2022, zonja Ignatova u vendos në listën e dhjetë më të kërkuarve të FBI-së, ku ajo qëndron edhe sot./ Marrë nga BBC

Sondazh

Poll

Lexo gjithashtu

Hapësire reklamuese