Mark Rutte është zgjedhur në pozicionin e Sekretarit të Përgjithshëm të Aleancës së Atlantikut Verior (NATO).
Me dakordësinë e 32 vendeve anëtare, kryeministri në largim i Hollandës, Rutte do të marrë një detyrë tjetër të rëndësishme në arenën ndërkombëtare duke u bërë shefi i NATO-s.
Rutte do të zëvendësojë paraardhësin e tij, Jens Stoltenberg duke marrë në dorë drejtimin e alenacës ushtarake që shërben për sigurinë dhe mbrojtjen e kufijve në Evropë dhe botë.
Pas miratimeve nga Hungaria dhe Sllovakia të martën, Rumania konfirmoi mbështetjen e saj për Rutte të enjten, me presidentin rumun Klaus Iohannis që tërhoqi kandidaturën e tij për postin kryesor të NATO-s.
Gjatë një takimi të Këshillit të Lartë të Mbrojtjes Kombëtare, Iohannis tha se kishte njoftuar aleatët e NATO-s për tërheqjen e kandidaturës së tij.
Rutte do të marrë drejtimin e NATO-s në një moment kritik. Puna e tij e re do të fillojë më 2 tetor, pak më shumë se një muaj përpara zgjedhjeve në SHBA, të cilat do të formësojnë fatin e aleancës ushtarake që ka shërbyer si parandalimi më i suksesshëm i Evropës Lindore ndaj një Rusie agresive.
Zgjedhja e Rutte gjithashtu pason një proces të zgjatur që pa mandati i Stoltenberg për katër herë radhazi.
Në vitin 2017, aleatët zgjodhën të zgjasin mandatin e Sekretarit të Përgjithshëm Jens Stoltenberg deri në fund të shtatorit 2020. Në 2019, ata e zhvendosën atë datë në shtator 2022. Pushtimi rus i Ukrainës shkaktoi një tjetër zgjatje, e cila ishte caktuar të vazhdonte deri në shtator 2023. Në korrikun e vitit të kaluar, aleatët e NATO-s ranë dakord që të zgjatej sërish mandati i Stoltenberg si Sekretar i Përgjithshëm me një vit.
Mark Rutte është një politikan holandez, i cili ka shërbyer si Kryeministër i Holandës që nga viti 2010. Ai aktualisht është duke vepruar në delegacion, i planifikuar të largohet nga politika kombëtare pas instalimit të kabinetit të ardhshëm të dalë nga zgjedhjet e përgjithshme të vitit 2023. Rutte ishte lideri Partisë Popullore për Liri dhe Demokraci(VVD) nga 2006 deri në 2023.
Sondazh
Lexo gjithashtu
