Kremlini ka konfirmuar se Vladimir Putin do të flasë nesër me telefon me Donald Trump për bisedimet e armëpushimit Rusi-Ukrainë, raporton The Guardian.
Ndërsa Uashingtoni përgatitet për thirrjen, liderët evropianë po përpiqen të përgatiten për atë që do të vijë më pas, nga frika e lëshimeve të paparashikueshme dhe të diskutueshme nga presidenti amerikan.
Ministrat e jashtëm të BE-së po takohen këtë mëngjes në Bruksel për të diskutuar se çfarë tjetër mund të bëjnë për të ndihmuar Ukrainën.
Kaja Kallas, shefja e politikës së jashtme të BE-së, u përpoq të rriste presionin ndaj Rusisë ndërsa mbërriti për takimin, duke thënë: “Topi është në fushën e Rusisë dhe çfarë lloj kushtesh po paraqesin, gjë që është një pyetje e madhe nëse ata duan paqen”.
Çfarë është në axhendën e thirrjes mes Putinit dhe Trump? Trump tha se kishte në plan të diskutonte përfundimin e luftës në Ukrainë me presidentin rus dhe se negociatorët kishin diskutuar tashmë "ndarjen e aseteve të caktuara".
I dërguari i posaçëm i Trump, Steve Witkoff udhëtoi në Moskë javën e kaluar për të paraqitur detajet e një plani të përbashkët armëpushimi SHBA-Ukrainë që parashikon një pauzë 30-ditore të armiqësive.
Putin tha se ishte dakord me idenë e një armëpushimi, por tha se kishte "pyetje serioze" se si do të zbatohej ajo që ai donte të diskutonte me Trump.
Sondazh
Lexo gjithashtu
