Presidenti amerikan, Donald Trump, është kritikuar ashpër pasi bëri një postim në rrjetet sociale, ku citon një frazë të Napoleon Bonapartit se “ai që shpëton vendin e tij nuk duhet të shkelë asnjë ligj”.
Ky postimi erdhi në fund të një jave të trazuar në fillimin e presidencës së tij të dytë, gjatë së cilës kolegët dhe disa analistë vunë në dyshim legjitimitetin e gjyqtarëve që morën disa vendime të rëndësishme.
Sfidimi i Trump ndaj disa urdhrave, duke përfshirë një urdhër për rivendosjen e fondeve për organe të tilla si Instituti Kombëtar i Shëndetësisë, ka nxitur disa kundërshtarë të presidentit të shpallin një krizë kushtetuese.
“Ai është presidenti më i paligjshëm në historinë e SHBA-së. Në sistemin tonë të qeverisjes, i takon gjykatave të përcaktojnë nëse presidenti po e përdor pushtetin e tij ‘legjitimisht’, jo presidenti”, deklaroi Robert Reich, një ish-sekretar amerikan i punës.
Senatori Adam Schiff i Kalifornisë, një kundërshtar i njohur i Trump, ka deklaruar se, “Ka folur si një diktator i vërtetë”, e ka shpërndar në X.
Ndërsa Trump ka deklaruar se ai i përmbahet vendimeve të gjykatës, këshilltarët e tij kanë sulmuar gjyqtarët në mediat sociale, duke kërkuar shpalljen e shkarkimit të tyre.
Sondazh
Lexo gjithashtu
