Kanadezët votojnë sot në zgjedhjet federale, të mbizotëruara nga pasiguria ekonomike, tarifat tregtare dhe tensionet në rritje me Shtetet e Bashkuara.
Votuesit do të vendosin nëse kryeministri i përkohshëm Mark Carney do të marrë një mandat të plotë, apo nëse do t’i japin një shans Partisë Konservatore dhe udhëheqësit të saj, Pierre Poilievre.
Carney, një figurë e re në politikë, por me përvojë të gjatë në financa ndërkombëtare, mori drejtimin e qeverisë në mars pas dorëheqjes së Justin Trudeau.
Ai ka mbajtur një qëndrim të fortë ndaj presidentit amerikan Donald Trump, i cili ka vendosur tarifa të reja ndaj eksporteve kanadeze dhe ka bërë deklarata të përsëritura për përvetësimin e Kanadasë si “shteti i 51-të”.
Nga ana tjetër, Poilievre ka ndërtuar një fushatë populiste, duke premtuar shkurtim të fondeve publike dhe shfrytëzim më të madh të burimeve natyrore të vendit, ndërsa kritikon liberalët si “elita të shkëputura nga realiteti”.
Rezultatet paraprake pritet të publikohen në orët e vona ditën e sotme ku dhe do të përcaktojnë jo vetëm drejtimin e ardhshëm politik të Kanadasë, por edhe marrëdhëniet e saj me SHBA-në.
Sondazh
Lexo gjithashtu
