Presidenti Joe Biden ka marrë një vendim të rëndësishëm para përfundimit të mandatit të tij, duke falur djalin e tij, Hunter Biden, i cili ishte përballur me akuza federale për shkelje të ligjeve të taksave dhe armëve.
Ky vendim vjen në një moment kritik, ndërsa Biden po përgatitet të largohet nga posti dhe ta dorëzojë detyrën te presidenti i zgjedhur, Donald Trump.
“Nënshkrova sot një falje të plotë dhe të pakushtëzuar për djalin tim, Hunter,” deklaroi Biden duke theksuar se ky akt është përfundimtar dhe nuk mund të ndryshohet nga presidenti i ardhshëm.
Ky veprim shënon një kthesë të madhe, pasi Biden kishte premtuar publikisht se nuk do ta falte djalin e tij, premtim që e kishte përsëritur edhe pas humbjes në zgjedhjet e vitit 2024. Megjithatë, falja e dhënë eliminon çdo mundësi që Hunter të përballet me dënim ose të burgoset për çështjet në fjalë.
Seancat e dënimit, të parashikuara për më 12 dhjetor për çështjen e armëve dhe më 16 dhjetor për çështjen tatimore, pritet të anulohen. Për më tepër, falja përfshin të gjitha shkeljet federale të mundshme që Hunter mund të ketë kryer në periudhën nga janari 2014 deri në dhjetor 2024, duke i dhënë fund kësaj çështjeje ligjore.
Sondazh
Lexo gjithashtu
