Një sulm terrorist ka ndodhur këtë të mërkurë 50 kilometra larg kryeqytetit të Turqisë, Ankara. Tre terroristë të armatosur “kokë e këmbë” goditën selinë e kompanisë turke të hapësirës ajrore dhe mbrojtjes ,Tusas.
Ministri i Brendshëm, Ali Yerlikaya deklaroi për mediat dhe qytetarët se nga ky sulm terrorist fatkeqësisht humbën jetën katër persona, ndërkohë 14 të tjerë janë të plagosur rëndë.
“Dy terroristë u neutralizuan në sulmin terrorist kundër objekteve të TAI Kahramankazan. Fatkeqësisht, në sulm kemi tre dëshmorë dhe 14 të plagosur”, shkroi ai në postimin e tij të fundit në X.
Edhe presidenti Erdogan reagoi lidhur me këtë ngjarje të rëndë. Përmes një postimi Erdogane dënoi këtë sulm të tmerrshëm dhe njoftoi se u vranë 4 persona të cilëve iu referua si “dëshmorë”.
“Kemi 4 dëshmorë dhe 14 të plagosur. Dënoj këtë sulm të tmerrshëm terrorist dhe uroj mëshirën e Zotit për dëshmorët tanë”, tha Erdogan.
Ndërkohë, bazuar në mediat turke thuhet se terroristët u futën nga porta e rojeve të objektit TUSAŞ, shpërthyen automjetin dhe më pas filluan të hapin zjarr.
Mësohet se dy nga terroristët, një burrë e një grua, janë neutralizuar ndërkohë po punohet për neutralizimin e terroristit të tretë. Sakaq mësohet se nga informacionet e fundit të bëra me dije për mediat turke deri më tani nuk ka të dhëna nëse ka pengje brenda apo jo. Megjithatë, forcat e sigurisë po e menaxhojnë me kujdes situatën, duke marrë parasysh shansin se brenda mund të ketë pengje.
Çfarë është Industria Turke e Hapësirës Ajrore?
Industria e Hapësirës Ajrore Turke është një kompani shtetërore e armëve dhe teknologjisë së hapësirës ajrore me bazë pranë Ankarasë.
Kompania prodhon avionë dhe helikopterë ushtarakë dhe civilë, si dhe sisteme drone për forcat e armatosura turke dhe vende të tjera në mbarë botën.
#Ankara Les terroristes qui ont attaqué une entreprise aérospatiale filmés par des ???? de vidéosurveillance. Arrivés en taxi, l'un d'eux se serait fait exploser et ses partenaires auraient commencé à tirer. Les forces spéciales, médecins et pompiers sont arrivés sur les lieux pic.twitter.com/sipwmNZRmm
— jfgino (@jfgino) October 23, 2024
Siç thuhet në faqen e saj të internetit, Industria e Hapësirës Ajrore filloi të operojë me qëllim që të reduktojë varësinë e Turqisë nga importet e huaja të teknologjisë së hapësirës ajrore për përdorim ushtarak.
Industria e Hapësirës Ajrore Turke është caktuar nga Turqia si prodhuesi i licencuar për avionët luftarakë F-16 dhe po luan gjithashtu një rol në modernizimin e avionëve të vjetër për përdorim nga ushtria turke.
Dy pronarët kryesorë të kompanisë janë forcat e armatosura turke dhe një krah civil i qeverisë turke të ngarkuar me përmirësimin e aftësive të saj mbrojtëse dhe menaxhimin e prokurimeve ushtarake.
Presidenti Erdogan telefonatë me Mark Rutte:
Presidenti Erdogan foli në telefon me Sekretarin e Përgjithshëm të NATO-s Rutte. Rutte përcolli ngushëllimet dhe mesazhet e tij të solidaritetit për sulmin terrorist kundër TAI.
Pas kësaj telefonate Rutte bëri dhe një post në rrjetet e tij sociale duke e cilësuar sulmin si “thellësisht shqetësues” dhe theksoi se të gjithë në këto momente mbështesin Turqinë.
“NATO qëndron me aleatin tonë Turqinë. Ne e dënojmë fuqishëm terrorizmin në të gjitha format e tij dhe po i monitorojmë nga afër zhvillimet”, shkruan Rutte.
Sondazh
Lexo gjithashtu
