Thomas Markle, babai i Meghan Markle, ka bërë një thirrje publike për pajtim me vajzën e tij, duke theksuar se pavarësisht mosmarrëveshjeve, dashuria e tij për të mbetet e pandryshuar.
Në një intervistë për Mail, ai deklaroi: "Nuk jam dakord me disa nga zgjedhjet e saj, por kjo nuk ndryshon faktin që unë e dua. Dera ime është gjithmonë e hapur për Meghan-in. Shpresa ime më e madhe është të shoh një ditë familjen tonë të bashkuar dhe të jetojmë si një familje e zakonshme."
80-vjeçari shprehu shqetësimin për të ardhmen e nipit dhe mbesës së tij, Archie dhe Lilibet, të cilët ende nuk ka pasur mundësinë t’i takojë. Ai gjithashtu zbuloi planet për t'u larguar nga Shtetet e Bashkuara, duke theksuar se frika se mund të mos i shohë kurrë nipërit e tij e rëndon.
Sipas gazetës, shtëpia e tij është e mbushur me kujtime dhe fotografi të Meghan, duke dëshmuar dashurinë dhe mallin e tij për të.
Sondazh
Lexo gjithashtu
