Allan Lichtman, historian dhe profesor i njohur për saktësinë e tij në parashikimin e rezultateve të nëntë prej dhjetë zgjedhjeve presidenciale të fundit në SHBA, ka deklaruar se këtë vit parashikon fitoren e Kamala Harris, sipas CNN.
Sistemi i tij, i quajtur "Çelësat e Shtëpisë së Bardhë," bazohet në një metodologji të veçantë që analizon 13 faktorë të ndryshëm, duke injoruar plotësisht sondazhet tradicionale para zgjedhjeve.
"Jam i sigurt për fitoren e Harris sepse sistemi im nuk ndikohet nga sondazhet," tha Lichtman në një intervistë për CNN, duke shpjeguar se sondazhet shpesh janë thjesht "momente të çastit" që mund të jenë të pasakta, pasi të anketuarit shpesh ndryshojnë mendje ose nuk japin përgjigje të sakta.
Lichtman ishte ndër të paktët që parashikoi fitoren e Donald Trump në vitin 2016, një vendim që ai kujton se nuk ishte i mirëpritur nga shumë.
Sistemi i tij 13-pikësh analizon faktorë si gjendja ekonomike, trazirat sociale, skandalet dhe sfidat e presidencës aktuale, për të parashikuar rezultatin e zgjedhjeve.
Megjithëse është i bindur për parashikimin e tij, Lichtman theksoi shqetësimet e tij për të ardhmen e demokracisë amerikane, duke deklaruar se kjo zgjedhje është vendimtare për të ardhmen e vendit.
"Demokracia është e brishtë dhe e çmuar. Kjo zgjedhje vë në rrezik thelbin e saj," tha ai, duke kujtuar se asnjë kandidat më parë nuk ka sfiduar transferimin paqësor të pushtetit apo nxitur akte dhune. "Për mua, nuk është më çështje e të pasurit të drejtë, por e mbrojtjes së të ardhmes së këtij vendi."
Sondazh
Lexo gjithashtu
