Me mbështetje nga Moska, Bashar al-Assad arriti të largohej nga Siria pak para se rebelët të sulmonin Damaskun, duke i dhënë fund sundimit të tij.
Sipas një raporti të Bloomberg, Rusia luajti një rol kyç në arratisjen e presidentit të rrëzuar, duke organizuar largimin e tij përmes një baze ajrore ruse. Kjo ndodhi ndërkohë që forcat opozitare po bënin përparim të shpejtë drejt kryeqytetit sirian.
Sipas burimeve të Kremlinit, Rusia u shqetësua për sigurinë e aleatit të saj dhe e bindën al-Assadin se do të përballej me rrezikun e kapjes nga grupi ekstremist Hayat Tahrir al-Sham. Prandaj, Moska i ofroi atij dhe familjes një kalim të sigurt jashtë vendit nëse largoheshin menjëherë, gjë që ai e pranoi.
Inteligjenca ruse koordinoi lëvizjen e tij. Fillimisht, al-Assad u largua nga Damasku me një avion privat, duke e mbajtur larg këshilltarëve të tij për të shmangur ndonjë tradhti. Ai gjithashtu aktivizoi një sistem për të çaktivizuar radarët e avionit. Pas këtij udhëtimi, ai arriti në bazën ajrore ruse Khmeimim, dhe më pas vazhdoi udhëtimin me një avion ushtarak rus drejt Moskës.
Zhdukja e avionit nga radarët
Bashar al-Assad, i këshilluar nga agjentët rusë, u ngrit në orët e para të së dielës nga Damasku, duke çaktivizuar radarin e avionit të tij personal.
Rreth asaj kohe, të dhënat e Fligthradar24 treguan se një avion që besohet se mbante Assad-in, avioni u nis për në Mesdhe përpara se të bënte një kthesë dhe të zhdukej nga radarët, duke çuar në skenarë për rrëzimin e tij të mundshëm.
Zëvendësministri i Jashtëm i Rusisë, Sergei Ryabkov, tha për NBC Neës se Assad u largua nga Siria në mënyrën më të sigurt të mundshme gjatë fundjavës. “Ai është i sigurt dhe kjo tregon se Rusia po vepron siç kërkohet në një situatë kaq kritike,” tha ai.
Rënia e Asadit zemëron Putinin?
Zëdhënësi i Kremlinit Dmitry Peskov refuzoi të zbulojë vendndodhjen e presidentit të rrëzuar të Sirisë. Megjithatë, ai sqaroi se Vladimir Putin nuk ka ndërmend të takohet me al-Assad në Moskë.
“Nuk ka një takim të tillë në orarin zyrtar të presidentit dhe nuk kemi çfarë të themi për vendndodhjen e tij”, - tha ai për mediat ruse.
Deri më tani, Moska nuk ka bërë një koment zyrtar për rënien e regjimit sirian të al-Asad. Por zhvillimet sipas medias britanike, kanë zemëruar Putinin, i cili po kërkon të dijë pse inteligjenca ruse nuk zbuloi kërcënimin në rritje të grupit islamik Hayat Tahrir al-Sham për regjimin e Asadit derisa ishte tepër vonë dhe presidentin e rrëzuan.
Rënia e regjimit sirian vjen pas viteve të mbështetjes masive financiare dhe ushtarake ruse për luftën siriane.
Sipas personelit ushtarak rus, Moska e ndihmoi Asadin sepse “bazohej në shqetësimet për bazat e saj ushtarake në rajon, një bazë detare në Tartus dhe një bazë ajrore në Khmeimim, të cilat janë bazat e vetme të vendit jashtë territorit të ish-sovjetikëve”.
Një raport i Business Insider raportoi se Moska tërhoqi anijet e saj luftarake nga baza detare ruse në Tartus në bregdetin sirian pasi Assad u arratis, ndërsa ushtria ruse ende nuk i ka tërhequr plotësisht forcat e saj nga Siria.
Sondazh
Lexo gjithashtu
