Gjykata Federale Administrative në Gjermani ka vendosur dje se kthimi i disa refugjatëve në Greqi nuk përbën shkelje të të drejtave themelore. Ky vendim zgjidh një çështje ligjore që ka qenë e diskutueshme prej kohësh.
“Përfituesit e vetëm, të punësueshëm dhe jo të cenueshëm të mbrojtjes ndërkombëtare aktualisht nuk kërcënohen me kushte degraduese ose çnjerëzore të jetesës pas kthimit në Greqi”, tha gjykata në një deklaratë. “Prandaj, kërkesat për azil nga ky grup personash në Gjermani mund të refuzohen si të papranueshme."
Rasti kishte të bënte me një 34-vjeçar të lindur në Gazën veriore dhe një 32-vjeçar nga Somalia. Të dy kishin përfituar më parë statusin e refugjatit në Greqi, përpara se të udhëtonin drejt Gjermanisë dhe të paraqisnin atje kërkesat e reja për azil. Kërkesat e tyre u refuzuan, dhe atyre iu urdhërua deportimi drejt Greqisë.
Gjykata në Lajpcigut theksoi se, edhe pse mund të ketë vonesa burokratike në qasjen ndaj përfitimeve shtetërore në Greqi, personat e kthyer zakonisht mund të plotësojnë nevojat bazë përmes strehimeve të përkohshme dhe punësimit informal. Po ashtu, theksohet se kujdesi shëndetësor është i disponueshëm për ta.
Sondazh
Lexo gjithashtu
