Gjykata Penale Ndërkombëtare ka lëshuar urdhër-arresti për kryeministrin izraelit, Benjamin Netanyahu, ish-ministrin e mbrojtjes të vendit Yoav Gallant dhe liderin e Hamasit, Mohammed Deif, për krime të dyshuara lufte në lidhje me luftën në Gaza.
Përfaqësuesi i Lartë i Bashkimit Evropian për Politikën e Jashtme, Josep Borrell ka deklaruar se urdhër-arrestet e lëshuara nga Gjykata Penale Ndërkombëtare kundër Benjamin Netanyahu dhe Yoav Gallant janë "detyruese" dhe për këtë arsye të gjithë anëtarët e BE-së duhet të sigurojnë zbatimin e tyre.
“Nuk është vendim politik, është vendim i një gjykate ndërkombëtare të drejtësisë dhe vendimi i gjykatave duhet respektuar dhe zbatuar gjithmonë”, shtoi kreu i diplomacisë evropiane nga Jordania, duke kujtuar se vendimi i Gjykatës është “detyrues” dhe të gjitha vendet e BE-së, veçanërisht si anëtarë të GJNP-së, "janë të detyruara ta zbatojnë këtë vendim gjyqësor".
Borrell më pas tha se "merr shënim" urdhrin e ICC-së dhe këmbënguli se "tragjedia në Gaza duhet të përfundojë" dhe komuniteti ndërkombëtar duhet të ecë përpara për të trajtuar situatën "apokaliptike" në enklavën palestineze.
Sondazh
Lexo gjithashtu
