Ministria e Jashtme e Gjermanisë mbështetur njoftimin e Peësidentit Donald Trump për heqjen e sanksioneve ndaj Sirisë, duke theksuar se Berlini po punon ngushtë me partnerët ndërkombëtarë për të mbështetur popullin sirian në procesin e rindërtimit të vendit.
Në një deklaratë të publikuar të mërkurën në platformën X, Ministria e Jashtme gjermane theksoi se Gjermania ka përkrahur heqjen e sanksioneve në sektorët si transporti, energjia dhe financat, që nga rrëzimi i regjimit të Bashar al-Asadit në dhjetor të vitit të kaluar.
Në një deklaratë Gjermania tha se do të bashkëpunojë me qeverinë siriane për të përmirësuar mjedisin ekonomik të vendit dhe për të siguruar një rimëkëmbje të qëndrueshme. Po ashtu, u theksua rëndësia e një tranzicioni politik gjithëpërfshirës për të garantuar stabilitetin afatgjatë.
Më herët gjatë ditës, Trump deklaroi gjatë Samitit SHBA-Gjiri të zhvilluar në Riad se Uashingtoni po shqyrton mundësinë e normalizimit të marrëdhënieve me qeverinë e re siriane. Ai zyrtarizoi vendimin për heqjen e sanksioneve gjatë vizitës së tij në Arabinë Saudite të marten.
“Kam vendosur të heq sanksionet ndaj Sirisë pas diskutimeve me Princin e Kurorës Saudite, Mohammed bin Salman. Dua t’i jap Sirisë një fillim të ri,” deklaroi Trump.
Sondazh
Lexo gjithashtu
